عــانــدتي قلبــي وغبــتي يـــوميـــن...ويالك قلبي بهاليومين وصرتي تصدينه

بكــلمة وحـــده انهـــيتي عِشرة سنيـــــن...لو بسألج عن الكلام اللي قلتيه معناه تعرفينه

وين اللي كان؟ ويــن الشــوق والحنــــين؟...وين الكــلام اللـــــي كنتي تقولينه؟

لــــيش صـــــرتي دايــــما تجـــــذبيـــن؟...وليش تنكرين اني انا اللي كنتي اتمنينه؟

لمن كنتي قبل تشوفيني كنتـي تبتســمين...وكـنــتــي احلى الكــــلام لـي تقولينه

والحيـــــن تمشيـــــن وعنــــــي تصـدين...وكـأنج هالهوى ما تبـــــين تشــوفينه

تقــعديــــن جدامـي وتـــتحلطــمين...تلـــمحيــــن على أنـــه قلبـــي ما تــــبينه

ويـــن الجــرأه؟ قـــوليها وخلي العين بالعين...قولـــــي هــــالقـلب صـــرتي تمـــلينه

من اللـــــي اغصبج مـــــن الأول تحبين؟...من اللي قـالج قولي لقلبي أنج تبيــــنه؟

تذكرين لما كنتـي تقوليـن أبيك تذكرين؟...شلـــــي تغير اليوم وخلاج قلبي تنسينه؟

دامـــج علـــــــى الــــوفا ما تـــــقدرين...دامـــج تـــحبين الـــواحد يــــوم وتخلينه

ليش من الاول فــــــي قلبـي تـتورطين؟...ليش خليتيني اعيش حـلم انتـــي تألفينه؟

ليــــــش تعـطين الــوعد وتـرتبطين؟...في قــلب تـــعبان ومـــا تقدرين تتحملينه

خــيـرتج انـــا بيــن اثـــــنيــن...تعيــشين معاي العمر ولا قلبي تجفينه

قلتي اعيش العمر معاك جاوبتي بثانيتين...وصـــرتي بهالسـنين قـــلبي تــخدعينه

عطيـــتج حــب ما ينـعطى مـــــرتين...وخنتي  الأولى ولا انطر بــعد تخونينه

الجرأه هـــذي ما شفتـها قبل كانت وين؟...في قلـــبج والا تـوج بديتـــي تتعلمينه؟

سلـــــمتج قلــــبي بهـالايدين الاثنـــــين...أمنـتج على قلبي وما توقعت تجرحينه

ليــــش خليــتيني صغيـــر بالعين؟...ليــش دايــم تسوين اللــي تســوينه؟

مو حرام ارجع انا مــذلول الحين؟...مو حرام تملكين قلبي وبيدج تكســرينه؟

قوليـــلي شنو يعني بتسـتفيدين؟...ان غدرتي بــكل مــن تقــــابلــيـنه؟

تحبيـني تبــيني عيل ليش تهجرين؟...ليش بعد ما يذوب القــلب تخـــــلينــــه؟

صـــــحيح انـــــي كنت اعمــى العـــين...لكنــي تمنـــيت قلبي تفهمينه

بقولــج كــلمة وكيـفج لــــو تـزعلين...لو نسيتج او حبيت غيرج قلبي لا تلومينه!